Стручни екипи на Ветеринарната станица од Велес од почетокот на годинава континуирано вршат евиденција и вакцинација на телињата во велешките села.
Според директорот на Ветеринарната станица во Велес Димче Димитриевски, досега се обележани и евидентирани околу 1.000 грла.
– Ги евидентираме телињата на кои им ставаме ушна маркица, а воедно и ги вакцинираме против повеќе болести. Акцијата ја продолжуваме континуирано во текот на целата година, ече Димитриевски.
Тој информира дека оваа редовна годишна акција кај стоката е во согласност со Законот за идентификација и регистрација, како и главен услов одгледувачите на говеда потоа да добијат и субвенции.
До крајот на месецов ќе заврши и евиденцијата на говедата почната минатата година. Се претпоставува дека во поширокиот велешки регион има околу 7.000 говеда.