Во Валандово се одржа обука на тема „Менаџирање на однесување на своето дете“ наменета за родители на лицата со посебни потреби, штитеници на Дневниот центар од Валандово.
Целта е на родителите да им се даде помош и поддршка за работа со децата во домашни услови, да им се објасни како да го разберат однесувањето на своето дете и како да постапуваат во одредени ситуации.
Според дефектологот Весна Илова-Ташева, родителите се задоволни од обуката и побарале во иднина да се одржуваат повеќе вакви обуки.