Вчера во 14.18 часот во полициската станица во Гевгелија било пријавено дека на регионалниот пат во близина на комплексот „Негорски бањи“ се случила сообраќајна несреќа помеѓу товарно возило „фолксваген транспортер“ управувано од Д.С.(41) и мотоцикл „хонда“ управуван од С.Д.(48).
Во несреќата со тешки повреди се здобил мотоциклистот и на пат кон болница, починал во возило на Итната медицинска помош.
Лекар констатирал смрт, а увид на местото извршиле увидна екипа од ОВР Гевгелија и јавен обвинител, по чија наредба телото на починатиот било дадено на обдукција.