Во струмичката болница почина деветмесечно бебе, полицијата спречи роднина да ги нападне лекарите

Од:

Попладнево околу 16 часот на детското одделение при струмичката болница починало деветмесечно бебе од селото Банско, а со правовремена интервенција на полицијата е спречен инцидент, откако еден од роднините на детето бурно реагирал обвинувајќи ги лекарите за смртта на детето, изјави за МИА директорот на болницата, д-р Наќе Гогов.

-Детето во болницата било донесено во многу тешка состојба и покрај обидите за реанимација од страна на лекарите тоа починало. Обезбедувањето на болницата навреме ја повикало полицијата и е спречен поголем инцидент. Јас ја разбирам тагата на блиските, но никој нема право да реагира како што не треба, рече д-р Гогов.

Инаку, денес претпладне се случи друг инцидент на инфективното одделение во болницата, кога група од дваесетина граѓани украдоа мртовец. Пациентот, откако бил примен во тешка состојба, по дваесет минути починал, а дваесетина граѓани од Турското маало во Струмица насилно го извлекле починатиот со кревет надвор во дворот на болницата, го дигнале од креветот и го префриле преку оградата, го ставиле во комбе и се упатиле во непознат правец.

Бидејќи телото на починатиот било насилно изнесено од болницата, докторите не успеале да земат брис за испитување, за да се утврди дали бил заразен со коронавирус. Претходно, пациентот се лекувал кај матичниот лекар.

Би можело да ве интересира

ВИДЕО: Девојка предизвика инцидент пред Претседателството на Србија

Жарко Настоски

Физичка пресметка помеѓу кичевци, едно од лицата пренесено на скопските клиники

Ана Ололовска

Приведено едно лице од Кичево кое агресивно се однесувало кон полицијата

Ана Ололовска

Дедо и внук физички се пресметале во село Сирково

Ана Ололовска

ВИДЕО: Момче отвори оган врз автобус во Русија, уби четворица луѓе и избега

Жарко Настоски

Фудбалски судија од Драслајца натепан во Кравари

Жарко Настоски