Вчера околу 19 часот и 45 минути на регионалниот пат Штип – Велес кај местото „Црна Точка“ се случила сообраќајка при која што животот го загубиле три лица.
Во незгодата на самото место починале возачот на едното возило С.С. и сопатничката од истото возило Б.С. од Крива Паланка, додека другатка сопатничка Д.Ј. од Велес била пренесена во болницата во Велес, каде од страна на лекар била констатирана смрт.
Тригодишно девојче како и возачот од другото возило П.Ѓ. се здобиле со тешки повреди и биле пренесени во Ургентен центар во Скопје.
Увид на местото на настанот извршил јавен обвинител и увидна екипа од полициската станица Свети Николе.
