Во Софија осуден мажот кој на интернет објави недолични коментари за несреќата на автобусот на „Беса Транс“

Од:

Окружниот суд во Софија денеска го осуди 34-годишниот С.Б. на 4 месеци условна затворска казна, која ќе биде ефективна доколку стори друго кривично дело во рок од три години, поради објавени недолични коментари за несреќата на автобусот на „Беса Транс“ во Бугарија.

Како што јави дописникот на МИА од Софија, повикувајќи се на соопштение на софиското Окружно јавно обвинителство, против С.Б. беше покренато обвинение за „ширење омраза“.

Според обвинението, С.Б. на 23 ноември 2021 година околу 11 часот во група на социјална мрежа објавил содржина со која ширел омраза на „основа на национална и етничка припадност кон македонскиот етнос“. Тој кон објавената содржина прикачил и фотографија од опожарениот автобус на „Беса Транс“ на автопатот „Струма“.

Обвинетиот пред Судот го признал делото за кое се товари, по што е постигнат договор да му биде изречена условната казна. Согласно постигнатиот договор, казната е ефективна и обвинетиот нема право на жалба.

Несреќата на автобусот на „Беса Транс“, што патуваше на релација Истанбул – Скопје, се случи на 23 ноември во раните утрински часови на автопатот „Струма“ во Бугарија, при што загинаа 45 лица, од кои 12 деца, а седум беа повредени.

Би можело да ве интересира

Пресудата не може да опстои, лажна исправа не е изработена, вели адвокатот на сопственикот на „Беса Транс“

За несреќата надлежно е бугарското обвинителство, овој предмет е за фалсификување на исправата, вели обвинителот во предметот „Беса Транс“

Година и осум месеци затвор за сопственикот на „Беса Транс“

Горан Наумовски

Пресудата за случајот „Беса Транс“ ќе биде објавена на 7 март

А1он

Пресудата за „Беса Транс“ ќе биде објавена на 7 март

Завршни зборови за „Беса Транс“ на 17 јануари

Орце Костов