Избегнат инцидент во Собранието, каде продолжува расправата меѓу пратениците од власта и опозицијата за францускиот предлог.
Во моментот кога Димитар Апасиев од Левица се враќаше кон пратеничкото место, дојде до препирка со пратеникот од СДСМ, Мартин Костовски. Двајцата влегоа во клинч и започнаа да се туркаат, по што дојдоа неколку пратеници од двете страни за да ги разделат и да спречат поголем инцидент.
Откако беа разделени двајцата продолжија со дофрлувања и меѓусебни провокации.
Во Собранието се уште е во тек 81. седница од расправата за францускиот предлог за почетокот на преговорите на Македонија со ЕУ.
