Во текот на вчерашниот ден на територијата на град Скопје изречени се 290 мерки, меѓу кои за возење без возачка дозвола 25 санкции, осум за технички неисправни и нерегистрирани возила, а 28 за користење на мобилен телефон.
Од МВР соопштија дека изречени се и девет санкции за минување на црвено светло, 30 мерки за непочитување на брзина на движење, 21 санкција што ја чинат пешаците, 10 за некористење на сигурносен појас и 77 санкции за непрописно паркирање.
Полицијата најави дека сообраќајните контроли продолжуваат и во наредните денови и апелира граѓаните да ги почитуваат сообраќајните правила и прописи.