Во текот на вчерашниот ден, само на територијата на град Скопје, се изречени вкупно 341 мерка од кои 25 мерки се за возење без возачка дозвола.
Како што информираат од Министерството за внатрешни работи, најмногу, односно 72 мерки, се изречени за непрописно паркирање, со пајак се подигнати 58 возила, изречени се 31 мерка за технички неисправни и нерегистрирани возила, 19 мерки за користење на мобилен телефон, 17 за минување на црвено и 16 мерки за неносење на заштитна маска.
Од МВР потсетуваат дека сообраќајните контроли продолжуваат и во наредните денови и апелираат до граѓаните да ги почитуваат сообраќајните правила.