Во текот на изминатиот ден на подрачјето на Град Скопје од страна на сообраќајната полиција извршен е увид на вкупно осум сообраќајни незгоди.
Од нив, пет се со последица материјална штета и три со последица телесна повреда во кои со полесни повреди се здобиле двајца возачи на патничко моторно возило и еден пешак.
Според евиденцијата на сообраќајната полиција, се случиле уште три незгоди со мала материјална штета во коишто е пополнет Европскиот извештај за случена сообраќајна незгода.
Во текот на изминатите 24 часа од страна на сообраќајната полиција откриени и санкционирани се 13 возачи кои не го почитувале ограничувањето на брзината на движење, четворица возачи кои не отстапиле првенство на минување на пешаците на обележан пешачки премин, двајца возачи кои не ги почитувале светлосно сообраќајните знаци на крстосниците, 29 возачи кои не го користеле безбедносниот појас или, пак, го користеле мобилниот телефон за време на управувањето на возилото, како и 54 пешаци кои поминале вон обележан пешачки премин или, пак, поминале на црвено светло на семафорот на пешаци, а од нив на 46 пешаци покрај поканата за наплата на глобата издадена им е и покана за сообраќајна поука.
Со помош на специјалното возило „пајак“ од страна на сообраќајната полиција отстранети се 39 возила кои го попречувале нормалното одвивање на сообраќајот
Денеска Отсекот за превенција при Единицата за безбедност во патниот сообраќај при СВР Скопје ќе одржи едукативни предавања во подрчните основни училишта „Драга Стојановска“ во населеното место Сопиште и во населеното место Долно Соње, кои се наоѓаат на територијата на општина Сопиште, со учениците од второ и четврто одделение.
За денеска има најава за вонреден настан. Со почеток во 17 часот и 45 минути во Спортскиот центар „Борис Трајковски“ во рамки на квалификациите за Европското првенство во Полска ќе се одигра меѓународен ракометен натпревар помеѓу репрезентациите на Македонија и Швајцарија. Со цел непречено и безбедно одвивање на оваа спортска манифестација, од страна на сообраќајната полиција ќе бидат преземени соодветни мерки за сообраќајно обезбедување, а по потреба и пренасочување на сообраќајот.