Во рамки на засилените акциски контроли во областа на сообраќајот на територијата на град Скопје во текот на вчерашниот ден изречени се вкупно 380 мерки, меѓу кои 59 за возење без возачка дозвола и 39 санкции за технички неисправни и нерегистрирани возила.
Министерството за внатрешни работи денеска информира дека 86 мерки се изречени за непрописно паркирани возила и 31 казна за неносење заштитна маска.
Засилените сообраќајни контроли продолжуваат и во наредните денови, посочуваат од МВР и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот.