Во Скопје 10 сообраќајки, пет лица полесно повредени

Од:

Во текот на изминатите 24 часа во Скопје се случиле десет сообраќајни незгоди. Во пет сообраќајки полесно биле повредени пет лица, а во пет сообраќајки е причинета материјална штета.

Како што соопшти СВР Скопје, санкционирани се 10 возачи кои се движеле со брзина поголема од дозволената, а четворица возачи не отстапиле првенство на минување на пешаците на обележан пешачки премин. Двајца возачи поминале на црвено светло на семафорот, а имало 39 непрописно паркирани возила.

Санкционирани се и 10 пешаци кои поминале вон обележан пешачки премин, односно поминале на црвено светло на семафорот за пешаци.

Со помош на специјалното возило „пајак“ отстрането е 51 возило.

Одделението за превенција денеска заедно со „Училишната сообраќајна единица“ ќе преземаат превентивни мерки од областа на сообраќајот на булеварот „Александар Македонски“ пред ТЦ „Автокоманда“.

Во средните училишта во Град Скопје денеска Одделението за превенција ќе продолжи со предавањата на тема „Влијанието на алкохолот, дрогата и психотропните супстанци врз безбедноста во патниот сообраќај“. Предавањата се наметени за матурантите и за учениците од трета година.

Би можело да ве интересира

Прекин на сообраќајот на регионалниот пат Куманово – премин Пелинце

Нормализиран сообраќајот на патот Бошков мост – Дебар

Сообраќајот на државните патишта се одвива непречено, по суви коловози

Промени во Законот за безбедност на сообраќајот: Реакции и вело-пријателски предлози

Сообраќајот се одвива по наместа влажни коловози

СДСМ: Колапс на сообраќајот во Маврово и заглавени граѓани поради неспособноста на ВМРО-ДПМНЕ