Скопската полиција уапси 15-годишен жител на населбата Шуто Оризари, по кого била распишана потерница откако во декември ограбил угостителски објект во Аеродром.
„На 07.06.2021 во 10.45 часот на ул.„Индира Ганди“ во Скопје, полициски службеници од СВР Скопје лишиле од слобода 15-годишен малолетник од Скопје за кого бил распишан централен распис поради сомнение дека извршил тешка кражба во угостителски објект на бул.„Јане Сандански“ на 27.12.2020“, се вели во полициското соопштение.
„Во разговор со полициски службеници, со присуство на негов родител и адвокат, тој го признал делото и потврдил дека го извршил заедно со А.Х.. Извршен е разговор и со А.Х. , кој исто така го признал делото“, додаваат од МВР.
По целосно документирање на случајот против нив ќе биде поднесена соодветна пријава.
