Жрепката за бесплатно лепење политички плакати во општина Штип ќе се изврши во понеделник, информираше на денешната прес-конференција портпаролот на Општина Штип, Драган Ристов.
– Се известуваат сите политички партии и коалиции чии листи на кандидати за членови на Совет на општина Штип и кандидат за градоначалник на општина Штип се прифатени за локалните избори што треба да се одржат на 15 октомври, дека жрепката за бесплатно истакнување изборни плакати на територијата на општина Штип ќе се одржи на 25.09.2017 година (понеделник) во 11.00 часот во сала 2 на општината Штип, вели Ристов.
Тој истакна дека заинтерсираните политички партии и коалиции треба да поднесат барање со полномошно издадено од организаторот на изборната кампања, најдоцна до 25 септември, односно понеделник до 11 часот во архивата на општината Штип.