Општина Штип утре наутро преку овластена фирма, на територијата на општината ќе спроведе тереистичка адултицидна дезинсекција со цел уништување на комарците. Портпаролот ан Општина Штип, Драган Ристов вели дека адултицидната дезинсекција ќе се спроведе во периодот од 02:00 часот до 06:00 часот во четврток со апаратура за УЛВ ладно запрашување.
– Со дезинсекцијата ќе бидат опфатени сите зелените површини во општина Штип, подрачјата по течението на реките Брегалница и Отиња како и каналиниот систем на трериторијата на општината, урбаните населби и локалитети, изјави Ристов.
Адултицидната дезинсекција, појаснува, ќе се изведува со препаратот Aqua K-othrine 2 EW со активна супстанца Deltamethrine.