Почна изградбата на најдолгиот тротоар во Штип од кружниот тек на влезот на градот до факултетите во Кампус 4. Тротоарот е во должина од еден километар и 300 метри и со широчина од 1,5 метри.
– Ќе има 6 проширувања каде ќе бидат поставени клупи. Се работи за површина од околу 2000 метри квадратни. Оваа површина ќе биде поплочена со бехатон и целиот проект, кој има вредности од 2.4 милиони денари, рече градоначалникот на Општина Штип, Благој Бочварски.
Тротоарот се гради на барање на граѓаните, но и заради поголема безбедност на студентите, кои секојдмневно го поминуваат пеш овој дел, каде се гради новата тротоарна површина
– Но, ова е важно особено за студентите коишто секојдневно одат на предавање во Кампус 4. Со ова докажуваме дека Општина Штип се грижи за студентите, за нивната безбедност, но и за да го разубавиме самиот влез во градот, рече Бочварски.
Се очекува изградбата на овој тротоар да заврши за кратко време, а во меѓувреме штипското Јавно претпријатие (ЈП) „Стипион“ работи на крак кај улицата Пиринска и по завршувањето на овие градежни активности интензивно ќе го гради и тротоарот до штипската Клиничка болница.