Претставници на Агенцијата за европски образовни програми и мобилност денеска на воспитувачките во градинките и наставниците во основните и средни училишта им ја презентираа интернет платформата, со која што можат да прават виртуелни проекти. Мила Протугер–Анастасова вработена во Агенцијата за европски образовни програми и мобилност вели дека интернет платфорамата е Програма на Европската комисија и како што појаснува таа оваа програма е и еден вид фејсбук, односно мрежа за наставниците.
– Значи имаат можности да прават виртуелни проекти со други наставници од други земји од Европа, односно потребно им е компјутер, да ја соберат групата на ученици и се поврзат со наставници од друга земја и да направат заеднички проекти на различни теми, без разлика дали тоа е за Велигден, Нова година. Наставници и самите така прават проекти сега ова е само начин тој проект да го конципираат во оваа платформа, вели Протогер-Анастасова.
Таа истакна дека оваа алатка е бесплатна за наставниците, за секој од проектите можат да добијат и интернационални сертификати, а оваа платформа овозможува на наставниците да следат и бесплатно семинари, од кои добиваат и сертификати.