Во Центарот за јавно здравје во Штип денеска почна вакцинирањето против сезонскиот грип.
Директорот на Центарот за јавно здравје-Штип, Велик Грков информира дека годинава се набавени 900 вакцини. Трајан Стојанов (96) вели дека веќе шеста година по ред ја прима вакцината против грип.
– Редовно си ја пијам терапијата, но со оваа вакцина веќе шеста година по ред не се разболувам од грип. Добро ми е кога ќе ја примам вакцината, вели Стојанов.
Од Центарот за јавно здравје каде се врши и имунизацијата истакнаа дека вакцината против грип задолжително треба да ја примаат хронично болните луѓе.