Изречени се вкупно девет санкции за возила кои вршат јавен превоз на патници на територија на СВР Штип.
„Полициски службеници на СВР Штип денеска (16 декември) од 12 до 16 часот спроведоа акциска контрола на возила кои вршат јавен превоз на патници, автобуси и комбиња. При контролата биле откриени и законски санкционирани девет технички неисправни возила. Шест од возилата (Штип-2, Берово-2, Кочани-1, Виница-1) имале неисправни сопирачки. Неисправните возила веднаш се исклучени од сообраќај и изготвени им се соодветни поднесоци“, велат од МВР.