Во Штип одбележани 141 година од раѓањето на Гоце Делчев

Од:

Во штипско Ново село во Гоцевото училиште денеска се одбележа 141 година од раѓањето на револуционерот Гоце Делчев.

Делегации на општина Штип, универзитетот „Гоце Делчев“, државни институции и политички партии положија цвеќе на спомен релјефот, а по тој повод универзитетскиот професор Кирил Цацков во пригодната реч се осврна за значењето на Делчев, кој заедно со Даме Груев учителствувале во училиштето во Ново село.

– Гоце Делчев секогаш истакнувал дека неговата револуционерна дејност почнува токму во Штип, а особено по средбата со уште понемалку значајната личност за македонската историја Даме Груев. Тој спојува револуционерна енергија, но педагошка дејност, вели Цацков.

Во рамки на одбележувањето на раѓањето на Гоце Делчев во истоимената библиотека во Штип денеска беше отворена и изложба „Фотографии и документи за Гоце Делчев“.
Донче Ефремов од Заводот за заштита на спомениците и Музеј на град-Штип посочи дека во рамките на изложбата опфатен е целокупниот живот на Делчев, а најголем дел од фотгорафии, оригиналните свидетелства со неговиот потпис и други документи е посветен на периодот кога учителствувал во Штип.

Ректорот на универзитетот „Гоце Делчев“-Штип, Саша Митрев најави дека на 27 март ќе биде поставена и бистата на Гоце Делчев во дворот на Гоцевото училиште, каде што ќе биде сместени новите простории на Ректоратот на штипскиот универзитет.

Би можело да ве интересира

Амбасадорот на Италија Андреа Силвестри во посета на Штип

А1он

Фатен разбојникот кој крадеше златен накит на штипјанки

А1он

Приведен разбојник од Штип

Ана Ололовска

Приведени двајца дилери во Штип

А1он

Штипскиот регион еден од најатрактивните за инвестиции

А1он

Филтер станицата во Штип, спој на словенечка технологија и јапонска иновативност

А1он

Leave a Comment

3 × one =