Градоначалникот на Општина Штип Илчо Захариев денеска по повод Денот на Власите имаше средба со претставници од оваа заедница.
– Власите се втор по бројност народ во нашиот град. Власите се народ кој во историјата покажал како се чува националниот идентитет, како се чува нивната култура и морам да кажам дека тоа се пример на граѓани кои покажуваат како треба да се сака Република Македонија и се едни од најлојалните граѓани во Република Македонија, рече Захариев.
Александар Џамбазов еден од повозрасните претставници во делегацијата која денеска имаше прием кај штипскиот градоначалник вели дека ова е голем ден за Власите, бидејќи во 1905 година турскиот султан ги прогласил за посебен народ.
– Има 82.000 Власи кои жвеат на овие простори, и тука во Македонија, и од таму од кај Србија, Романија, Грција секаде, вели Џамбазов.
Според статистичките податоци од последниот попис во Македонија живеат 9.695 лица, односно 0,48% од вкупното население во земјава.