Никола Гаговски е избран за нов претседател на Независниот синдикат на Шумската полиција на вонредното собрание што денеска се одржа во Штип. Гаговски е втор претседател на овој синдикат, а причината за вонредното собрание е поради назначувањето на поранешниот претседател на синдикатот за началник на Шумската полиција.
Гаговски вели дека ќе продолжи, со исполнување на барањата и правата на вработените во Шумската полиција.
– Сакам да нагласам дека таму каде што застана претходната претседателка, јас ќе продолжам и ќе ја водиме оваа битка кон нови победи, да се слушне за шумскиот полицаец и за неговите права, изјави Гаговски.
Претседателот на Независниот синдикат на Полицијата, Гоце Делчев-Тодев истакна дека веќе од понеделник почнуваат со дсотавување на барањата за вработените во Шумската полиција, а бараат зголемување на платите, добивање на бенефициите и потпишување на колективниот договор, со кој што ќе се решат и голем број од правата на шумските полицајци.