Во текот на вчерашниот ден на подрачјето на СВР Скопје случени се седум сообраќајни незгоди. Во две од нив се повредени две лица, едно со тешки и едно со полесни повреди, а во пет е причинета материјална штета.
Сообраќајната полиција во текот на изминатиот ден санкционирала еден возач кој се движел со брзина поголема од дозволената, еден возач го управувал возилото под дејство на алкохол и е исклучен од сообраќај, шест возачи поминале на црвено светло на семафор, седум возачи не го користеле сигурносниот појас или го користеле мобилниот телефон, како и 12 возачи кои го управувале возилото без возачка дозвола, односно нерегистрирано. Затекнати биле 35 непрописно паркирани возила.
Со специјалното возило „пајак“ отстранети биле вкупно 82 возила.