Во вчерашната акција во Радожда, организирана од страна на охридската полиција во една од куќите се пронајдени и одземени вкупно 175 броја на разни видови рибарски мрежи со вкупна должина од околу 9000 метри. Кај 68 годишниот жител на Радожда, пронајдени биле и 8 килограми охридска белвица и 3 килограми охридски крап.
Риболовниот алат и рибите полицијата ги предала на Државниот инспекторат за земјоделство од Охрид за понатамошно процесуирање на предметот.
Против 68 годишниот жител ќе биде поднесена пријава, а државниот инспекторат за земјоделство и полицијата најавуваат дека во наредниот период ќе има засилен надзор на сите што купуваат или продаваат мрежи спротивно на Законот за рибарство.