Во Прилеп одбележани 57 години од смртта на Ченто

Од:

По повод 57-годишнината од смртта на првиот претседател на Президиумот на АСНОМ Методија Андонов Ченто денеска пред неговиот споменик во центарот на Прилеп се поклонија претставници на неговото семејство, а свежи цвеќиња положија и делегации на локалната самоуправа, на Сојузот на борците, на политичките партии и граѓани.

– Очекувам историчарите да се позанимаваат со поствоениот период во кој многу луѓе исто како и татко ми беа жигосани и прогласувани за предавници само поради фактот што ја сакаа својата Македонија, изјави Марија Јакимоска, ќерка на Ченто.

Таа додаде дека Прилеп отсекогаш му оддавал должна почит на нејзиниот татко.

Градоначалникот Марјан Ристески истакна дека Прилеп е горд на великанот Ченто.

– Ченто е голема личност за македонскиот народ, а Прилеп се гордее што го има и секогаш ќе му се оддолжува и ќе му ја укажува должната почит на првиот претседател на АСНОМ, рече Ристески.

Би можело да ве интересира

(ВИДЕО) Попоски: На Прилеп му се случува невидена градежна офанзива, ама неа се уште никој не ја видел

Горан Наумовски

Во Прилеп свечено отворен 59. МТФ „Војдан Чернодрински“

Предраг Петровиќ

Службеник од Прилеп крадел пари од касата на локалната градска болница

Маж падна во провалија, со тешки повреди згрижен е во прилепската болница

Пламна пожар во стан во Прилеп, две жени завршија во болница

Финансиска полиција ја тресе прилепската болница