На патниот правец Штип – Неготино кај местото Серта, има прекин на сообраќајот поради чистење на одрони. Од АМСМ соопштија дека прекинот е од 10:25 часот.
Сообраќајот на остантите државни патишта се одвива непречено, по влажни коловози. Интензитетот на сообраќај на патните правци надвор од градските средини е зголемен. На граничните премини, од македонска страна, нема подолги задржувања за влез и за излез од државата, информира Автомотосојузот на Македонија (АМСМ) во утринскиот извештај за состојбата на патиштата.
АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.