Во пожар што избувнал утрово околу 9.30 часот изгоре покривна конструкција на куќа на улицата „6 Април“ сопственост на семејството Михајловски, лоцирана во кумановската населба „Перо Чичо“.
Протвпожарната единица – Куманово брзо успеа да го локализира пожарот.
– Веднаш по пријавата интервениравме со едно противпожано возило, а потоа уште со едно и со вкупно четворица пожарникари. За среќа во пожарот нема жртви, но причинета е материјална штета, вели Мире Арсовски од ТППЕ Куманово.
Милунка Михајловска и нејзиниот син Виктор се корисници на социјална парична помош, така што во пожарот ја изгубија скромната покуќнина и затоа апелираат до надлежните општински интституции и до бизнис заедницата за помош.
Градоначалникот на општина Куманово Зоран Дамјановски го посети семејството Михајловски и истакна дека општината ќе се погрижи и привремено ќе ги смести во ученичкиот дом „Професор Мијалковиќ“.
– Советот на општината ќе одвои еднократна парична помош за оваа семејство, информира Дамјановски.