Претседателот на Советот на општина Валандово, Јасминка Сечкова, закажа седница на Советот на која единствена точка ќе биде граѓанското барање поткрепено со повеќе од 2.000 потписи за одржување референдум на којшто граѓаните би се изјасниле дали се за или против продолжување со работа на рудникот за бакар „Казандол“ и за или против отворање рудници за металични суровини на територијата на општина Валандово.
Одржување на седницата на Советот со оваа точка на дневен ред бараа шест советници и членовите на граѓанската иницијатива „За спас на Валандово“.
– После толку јавни протести и блокади на патиштата, успеавме да издејствуваме седница на Советот. Апелираме до сите советници да гласаат во интерес на граѓаните, нивните соседи и нивните најмили и очекуваме од нив едногласна одлука за одржување референдум на кој ќе биде изразена волјата на граѓаните, рекоа активистите на ,,Спас за Валандово“.