Денеска околу 14:00 часот во централното градско подрачје, веднаш зад Трговскиот центар во Штип, изби пожар во кој беа зафатени постари куќи.
При интервенцијата бил повреден еден пожарникар, како и претставник на ЕВН, при што двајцата се здобиле со тешки телесни повреди и во моментов се наоѓаат во Клиничкиот центар во Штип.
Од жителите на овие станбени објекти само едно лице има полесни телесни повреди со кои се здобило во моментот кога се обидувале да изнесат дел од инвентарот.
Според командирот на Територијалната противпожарна единица во Штип, Киро Патраклиски, причините за пожарот сѐ уште не се познати, но се претпоставува дека се работи за дотрајана електрична инсталација, која попуштила при подготовка на зимница.
Поради пожарот целиот реон околу куќите е без електрична енергија.
М.Р.