Градот Скопје преку соопштение извести дека поради изведување градежни работи за асфалтирање на булеварот „Никола Карев“, познат и како „Пластичарска улица“, на 17-ти април, петок комплетно ќе биде затворен за сообраќај дел од неговиот коловоз, на потегот од крстосницата со улицата „Македонско-косовска бригада“ до крстосницата со улицата „Самоилова“, во периодот од 8:00 часот до 00:00 часот.
– Додека траат градежните работи, на оваа делница ќе биде поставена соодветна сообраќајна сигнализација, велат од Град Скопје и апелираат до граѓаните да го почитуваат воведениот привремен сообраќаен режим на овој булевар и поставената патна сигнализација, а брзината на движење да ја приспособат на условите на патот.