Во Основен суд Скопје 1 денеска е остварена планираната посета од страна на судиите од Апелацискиот суд Скопје и е одржана седница на судии на која се разгледувани резултатите од досегашното работење на овој суд.
Како што информираат на својата веб страница, констатирано е дека и покрај зголемениот прилив на предмети во работа во последните три години, судиите при Основен суд Скопје 1 – Скопје со зголемен ангажман успеале да го намалат бројот на нерешени предмети за 10.566 предмети во однос на истиот период до 2014 година.
На седницата на судии при овој суд судиите дадле и свои предлози во врска со изготвувањето на Годишниот распоред за работа на судот.
Денеска, како што наведуваат во соопштението, исто така претседателот на судот, Стојанче Рибарев во просториите на овој суд остварил средба со обвинителката Катица Јанева од Јавното обвинителство за гонење кривични дела поврзани и кои произлегуваат од незаконското следење на комуникациите, на која средба се разговарало за актуелните прашања во врска со соработката на двете институции.
