Од Територијалната Противпожарна Единица информираат денеска во 12:30 часот бил пријавен шумски пожар над селото Теово во месноста Карпас, во Општина Чашка. Засега нема информација дали истиот се гасне.
Од ТПЕ Велес велат дека за избувнувањето на овој пожар попладнево биле известени од патници од возот кои патуваат на релација Битола – Прилеп преку Богомила и Теово за Велес, кои го забележале пожарот кој поради ветрот брзо се шири во шумата.
Инаку ова е втор пожар кој денеска избувна во Општина Чашка. Денеска во 11 часот шумски пожар избувна и над село Долно Јаболчиште, исто така, во Општина Чашка.
Третиот шумски пожар на планината Мукос кај село Степанци во месноста викана Кадиица на границата помеѓу Општина Чашка и Општина Долнени прилепско, беснее веќе деветти ден, а во него гори квалитетна мешана шума.