Вкупно 42 пожара се регистрирани во територијалната противпожарна единица во Неготино за десетте месеци од годината, а неколку од нив биле предизвикани од неисчистени оџаци и потпалени контејнери за време на грејна сезона.
Ова го истакна денеска командирот на ППЕ, Иле Илиев, кој апелираше на редовно чистење на оџаците како и поголема внимателност од страна на граѓаните.
– Од вкупната бројка пожари 11 беа кај објекти, а 19 на отворен простор. Интервениравме и при сообраќајни незгоди и поплавени објекти. Граѓаните треба три пати годишно да ги чистат оџаците и да не истураат жар во контејнерите, којашто многу бргу може да пламне, рече Илиев.
Тој нагласи дека најважно од се е да се зголеми свеста кај населението од опасноста од пожари и потсети дека превентивните мерки се зајголема заштита од пламените јазици кои можат да остават и катастрофални последици позади себе.