Сообраќајни патроли од вработени во општинската администрација, припадници на МВР и ученици од СОУ „Миле Јаневски Џингар“ ќе воведе Македонска Каменица за поголема безбедност, подигнување на сообраќајната свест и култура.
Како што информира градоначалничката Соња Стаменкова, патролите ќе имаат советодавна улога и преку промотивни материјали ќе се обидат да делуваат за почитување на сообраќајните правила и прописи.
– Целта е да се подигне културата и етиката кај граѓаните за одговорно учество во сообраќајот, но и да се поттикне локалното население активно да се вклучи во општествените процеси за креирање општество со високо ниво на сообраќајна култура и издигнување на безбедноста во сообраќајот како највисока општествена вредност, рече Стаменкова и апелира, граѓаните да се однесуваат одговорно и да ги почитуваат правилата за учество во сообраќајот особено за новогодишните и божиќните празници.