Атанасовски: Пожарот во селата Цера и Пресека повторно надвор од целосна контрола

Од:

Пожарот во селата Цера и Пресека повторно е надвор од целосна контрола, информираше градоначалникот на Македонска Каменица, Димчо Атанасовски.

Тој преку објава на својот Фејсбук профил посочува дека иако вo раните утрински часови, пожарникарите од Македонска Каменица и Кочани добиле воздушна поддршка од еден полициски хеликоптер, пожарот се уште е активен поради засилениот ветар од пладневните часови.

-Куќите во Јангелковци кои беа загрозени вчера, се спасени. Но, поради се позасилениот ветер и непристапниот терен за делување од копно, сега постои реална опасност од ширење на пожарот кон маало Стамболии во село Цера. ТППЕ Кочани наведуваат дека првично биле активни два одделни пожари. Едниот во село Пресека, а другиот во село Цера. Потоа, истите се спојуваат во еден пожар на доста широка територија и огнената стихија досега однела над 150 хектари висококвалитетна борова и дабова шума, посочува Атанасовски.

Од рано утрово на терен, покрај екипи на ТППЕ-Македонска Каменица, доброволци и локално население од село Цера, во акцијата за гасење на пожарот се вклучени ТППЕ Кочани, ДПД Кочани, ДПД САСИ Македонска Каменица, вработени во ЈП „Национални шуми“ и други екипи.

Атанасовски потенцира дека во текот на утрешниот ден како што наведува се очекува да се вклучат и доброволци од институциите во Македонска Каменица.

Би можело да ве интересира

Маж од Скопје со запалена хартија од табла за јајца потпалил сува трева

Поради пожар, дел од Чаир, Бутел и Железара се без струја

Повторно пламна пожар во фабриката за оружје и муниција АТС АММО во Самоков

Изгоре човек, но и добиток во пожар во населбата Ѓорче Петров

Горан Наумовски

Aнгелов: Сигурен сум дека ќе го локализираме пожарот кај Блаце, но не и дека ќе го изгасиме

Гори шума помеѓу селата Блаце и Чучер, еден крак од пожарот е изгаснат

Горан Наумовски