Општина Крива Паланка ги објави резултатите од спроведената постапка за доделување стипендии за тековната учебна 2016/2017 година за поддршка на млади таленти.
Стипендии се доделени на учениците Ангела Николовска, Јоана Илиевска и Филип Додевски, а стипендирани се студентите Тијана Стојановска, Весна Дејановска и Тамара Мицовска, сите, жители на општина Крива Паланка.
Стипендијата е во висина од 3.000 денари месечно и ќе се исплаќа девет месеци во годината.
Право на стипендија имаат кандидатите кои учат и студират во училиштата и факултетите во Македонија и се редовни ученици и студенти.Учениците треба да имаат континуиран одличен успех од 4,50, а студентите во претходните години на студии да имаат постигнато просечен успех над 8,50. Сите треба да имаат освоено награди за поединечно освоено прво, второ или трето место на меѓународни, државни или општински натпревари од областа на науката, техниката, културата, уметност и спортот, односно област соодветна на нивното образование.