Безбедносната состојба на подрачјето на СВР Охрид каде е вклучено и Кичево е стабилна. Изминатово деноноќие, кичевци во целост ја почитувале забраната за движење поради заштита на граѓаните од ширење на коронавирус COVID-19.
Во истиот период, не се регистрирани собирања на граѓани, кражби и сообраќајни незгоди информира портпаролот Стефан Димоски.
Непречено се одвива контролата на лица кои се под мерките задолжителен државен карантин, здравствен надзор и домашна изолација и задолжителна 14 – дневна самоизолација. Нема нови лица со решение за изолација. Извршени се 25 контроли на лицата кои веќе се во изолација од кои тројца во Кичево .
Полициските службеници извршиле и 114 контроли на угостителски објекти.