Кавадаречката полиција одзеде 1.700 парчиња петарди марка „пират“ од уличен продавач во текот на вчерашниот ден, информираше денеска портпаролот на СВР Велес, Анита Стојковска.
– Против лицето кое ги продавало петардите без лиценца и одобрение, ќе биде поднесена соодветна прекршочна пријава според Законот за заштита од експлозивни материи, изјави Стојковска.
Казната за ваков прекршок изнесува од 200 до 400 евра.
Стојковска најави дека со ваквите акциски контроли ќе се продолжи и во иднина.
