Државната изборна комисија ги чешла еден по еден записниците од општинските изборни комисии откако е утврден неточно јавен резултат во електронските записници.
Според сознанијата на А1он, има сомнеж дека општински изборни комисии испратиле лажни податоци до ДИК и досега веќе ова е утврдено во една општинска изборна комисија, каде повеќето освоени гласови на СДСМ се претставени како гласови на ВМРО-ДПМНЕ.
Постојат сомнежи дека можеби се работи за организирана шема за крадење гласови, што доколку се утврди и во други места, ќе значи поголем број на мандати за СДСМ отколку за ВМРО-ДПМНЕ. Од опозицијата остануваат на ставот дека според нивните пресметки, бројот на мандати без овие утврдени аномалии е 51 за СДСМ и 51 за ВМРО-ДПМНЕ.
Поради оваа причина, односно рачно пребројување на сите записници, ДИК до вечер нема официјално да излезе со бројот на освоени мандати за партиите.
