Во Дебар уште осум лица во самоизолација, граѓаните го почитуваат карантинот

Од:

Во општините Дебар и Центар Жупа каде е прогласена кризна состојба, не се регистрирани собирања на граѓани на јавни места и нарушувања на јавниот ред и мир, соопшти Министерството за внатрешни работи (МВР).

Според МВР, во Дебар се евидентирани осум нови лица во самоизолација, а врз сите што се во самоизолација се извршени 68 контроли.

-Во општините Дебар и Центар Жупа успешно се спроведуваат мерките за контрола при влез на патнички и други моторни возила, како и активностите за дотурот на храна, лекови, средства за лична хигиена и други потреби за граѓаните во двете општини, наведува МВР.

Министерството потсетува дека сите правни лица кои вршат дотур треба да се најават во Кризниот штаб на фиксниот телефон 046/831 051 по што, нивните возила со полициска придружба ќе бидат спроведени до соодветните трговски објекти.

-Влезот е дозволен само на лица кои се жители на општините, а истовремено е оневозможен, односно строго е забранет излезот на сите граѓани затекнати на подрачјето на двете општини, потенцира МВР и апелира, граѓаните строго да ја почитуваат одлуката на Владата за забрана за движење на целата територија, секој работен ден, од понеделник до петок, од 16:00 часот до 05:00 часот наредниот ден и за време на викедот, од петок од 16:00 часот до 05:00 часот во понеделник.

-Апелираме на совесно и дисциплинирано придржување до сите останати препорачани мерки и насоки во врска со спречувањето на ширењето на коронавирусот (COVID-19), а сите правни и физички лица строго да се придржуваат до насоките на полициските службеници. Граѓаните, на бесплатниот телефонски број 08 0000 201 или на 192, можат да ги пријавуваат сите случаи на лица кои ги прекршуваат одредбите за задолжителна 14-дневна самоизолација. Сите оние кои ги прекршуваат дадените препораки, ќе бидат санкционирани согласно член 205 и 206 од Кривичниот законик, подвлекува МВР.

Би можело да ве интересира

Илјадници скопјани рашетани низ градот, охриѓани во карантин бидејќи се плашат дека заразата стигна

Кристијан Ландов

Нов случај во Дебар, градоначалникот најави дека полицијата ќе мери температура на сите кои ќе влегуваат во градот

Кристијан Ландов

Осум нови случаи на Ковид-19 во Гостиварско

Ана Ололовска

Портпаролот на СДСМ, Кузеска, негативна на коронавирус

Ана Ололовска

Регистрирани 591 прекршок за неносење лична заштита

Ана Ололовска

Издадените дозволи за движење продолжуваат да важат, процедурата за нови останува иста

Ана Ололовска