Центарот за човекови права „АМОС“ – Битола по 16. пат ги одбележува двата значајни датума за децата, 19. ноември – Светски ден за превенција на детската злоупотреба и 20. ноември – Меѓународниот ден на детето.
Оваа година, 137 организации од сите континенти на светот кампањата ја реализираат под мотото „19 дена активизам за превенција од насилство врз децата и младите 1-19 ноември“, кон нив се приклучува и нашата организација, истакна Сашо Кочанковски, претседател на Центарот за човекови права „АМОС“ – Битола.
Централниот настан во Битола ќе се одржи попладнево од 17 часот во големата сала на Битолскиот театар, информираа од Центарот за човекови права „АМОС“ – Битола.