Денеска во 17 часот, пред Собранието на РМ ќе се одржи протест против погрешните политики на власта.
„Целта е да се каже СТОП на погрешните политики на властодршците. Ова е граѓанска фајсбук иницијатива на група луѓе, непартиска, собир без директиви, на кој јавно ќе си ги кажеме нашите ставови“, изјави Лилјана Сачевска една од членовите на Фејсбук иницијативата.
Таа вели дека не стравува од политичко поврзување на протестот.
„Лично не очекувам појава на политичари, ако смета некој дека треба да биде присутен, добредојдени се сите граѓани, доста не делат, ние сме лојални граѓани и сакаме да кажеме дека нешто не чини во државата Иницијалниот момент е денеска, покажуваме дека една фејсбк групација може да стане стварност, како ќе оди понатаму ќе видиме, позади нас не стои ниеден политички блок.Ние имаме апсолутен недостаток на критична маса“, вели Сачевска.