Во вториот изборен круг на Локалните избори ВМРО-НП својата поддршка ја дава на кандидатот за градоначалник на СДСМ за Општина Штип, Благој Бочварски, истакна на денешната прес-конференција Никола Тасев член на Извршниот комитет на ВМРО-НП.
Тој забележа дека како партија не учествуваат на Локалните избори, но во текот на кампањата препознале дека проектите во програмата на коалицијата предводена од СДСМ можат да се реализираат и се потребни за граѓаните.
– ВМРО-Народна партија во вториот круг на изборите застанува зад Благоја Бочварски комплетно. Застанува зад него, зад неговите проекти, неговите идеи, рече Тасев.
Бочварски на заедничката прес-конференција се заблагодари за поддршката за вториот круг на Локалните избори, кои ќе се одржат на 29 октомври.