Поддршка за кандидатите за локалните избори предводени од СДСМ и коалицијата даде денеска ВМРО Народна партија од Кавадарци.
На прес-конференција претседателот на ВМРО Народна Глигор Шемов денеска соопшти дека сево ова е врз основа на одлуката на Извршниот комитет на ВМРО Народна партија, а согласно на постигнатиот договор за коалицирање на локално ниво. Од општинскиот комитет на ВМРО Народна ги информираа членовите, симпатизерите и јавноста за оваа одлука, а ги повикаа своите членови да се вклучат во предизборната кампања и својот глас да го дадат за СДСМ и коалицијата.
Официјализираната соработка ја поздрави и кандидатот за градоначалник од редовите на СДСМ и коалицијата Бетиан Китев, кој како што истакна, тоа е во интерес на Кавадарци.