„Денес СДСМ е во коалиција со Љубчо Георгиевски што значи дека СДСМ ги споделува истите политики, истите морални вредности, истите принципи и платформа, истиот концепт за тоа како треба да се управува Македонија. Бранко Црвенковски и Љубчо Георгиевски се лицето и опачината на сето она што значи погубна политика за интересите на Македонија и сите нејзини граѓани“, стои во соопштението на ВМРО-ДПМНЕ.
На следните избори, смета ВМРО-ДПМНЕ, граѓаните референдумски ќе се изјаснат против се она што Бранко Црвенковски и Љубчо Георгиевски го претставуваат во последните 20 години, на следните избори граѓаните ќе гласаат против Бранко Црвенковски и против Љубчо Георгиевски поради нивните лаги, нивните трикови, поради илјадниците упропастени човечки судбини, поради распродажба на државните интереси, поради националната политика кој што ја водеа тие двајцата, поради криминалот и транзицијата.
ВМРО-ДПМНЕ прашува каква врска има ВМРО – ДПМНЕ со коалицијата на Љубчо Георгиевски со Бранко Црвенковски?
И одговараат дека немаат врска.
„Тие се луѓето кој што ги делат истите вредности и истите политики и затоа тие двајцата совршено си одговараат“, стои во соопштението на ВМРО-ДПМНЕ.