„Уште еднаш на дело се покажа дволичноста и манипулациите на Зоран Заев и СДС.
Иако ветија дека ќе ги подржат сите иницијативи за граѓаните слободно и непосредно да се изјаснат за прашања кои сите ги засегаат, советниците на СДС Центар им го скратија тоа право.
Граѓаните на Центар во овие четири години научија да ги препознаваат штетните и лоши политички кои се водат во Општина Центар. Власта на СДС не може да се пофали со ниту еден капитален проект кој е од исклучително значење на жителите на Центар. Единствено што направија СДС во Центар е личното богатење на поединци со пари на жителите на Центар.
Четири години и 100 милиони евра имаше општинската власт на СДС Центар да покаже колку се грижат за жителите на Општина Центар.
Времето на лаги и манипулации заврши. Жителите на Центар ги препознаа лажните ветувања и затоа ќе ги казнат овие штетни и расипнички политики на 15-ти Октомври“, се вели во реакцијата на соопштението на СДС кое се однесуваше на прес конференцијата на Горан Богдановски.