ВМРО-ДПМНЕ во реакцијата на изјавата на Андреј Жеровски посочува оти тој ниту сака ниту знае како да ги реши проблемите со паркирањето во општина Центар и нуди идеи за кои нема никаква конкретна планска и финансиска документација.
– Изградбата на катни гаражи и паркинг простори не е нешто што Жерновски може да го каже тукутака. Потребна е добро изработена планска документација што очигледно Жерновски ја нема, стои во реакицијата.
Воедно се додава оти во општината последните години се изградени и пуштени во употреба катни гаражи како никогаш досега, во тек е изградба на неколку нови, а извршена и реконструкција на повеќето паркинг простори.
– Сообраќајот е сектор во кој никогаш не треба да се запре со подобрувањена неговото функционирање, затоа ВМРО-ДПМНЕ и понатаму ќе продолжи со конкретни проекти да излегува во пресрет на овој проблем, се вели во реакцијата.