ВМРО-ДПМНЕ испрати реакција на некои наводи од интервјуто на градоначалникот на Центар, Андреј Жерновски за Радио Слободна Европа.
Жерновски во интервјуто посочи дека до него пристигнувале бизнис понуди од градежни фирми и поединци, што претставува пример за мито и корупција.
„Тој е должен како вршител на јавна функција, но на крајот на краиштата и како граѓанин на оваа правна држава, да излезе и јавно да ги соопшти, или до надлежните институции да ги пријави, субјектите кои му нуделе мито, бидејќи во спротивно тој ќе биде соучесник и ќе се смета дека прикрива случаи на корупција и нудење на мито.Доколку не го стори тоа, остануваат две опции. Првата опција е дека свесно лаже и ја манипулира јавноста, а втората опција е дека прикрива корупција или обид за корупција“, стои во соопштението на ВМРО-ДПМНЕ.
Го повикуваат Андреј Жерновски да излезе во јавноста за да ги соопшти фирмите и поединците кои, до него и неговите соработници, како што тврди тој, испраќале коруптивни понуди или му нуделе мито.