„СДСМ со Заев стана приватна компанија во која султанот Заев што ќе одлучи партиските органи само верификуваат. Тоа го говори членството на СДСМ и нивните партнери. Затоа сме сведоци на самостоен настап на коалиционите партнери БЕСА, на ЛДП, ДОМ, Бошњачки Демократски Сојуз, но и самостојните кандидатури на Максим Димитриевски во Куманово и Зоран Ногачевски во Дебарца“, соопштува ВМРО-ДПМНЕ.
„СДСМ со Заев стана извор на проблеми и расколи заради неговиот недемократски капацитет и катастрофалните политики. Коалицијата на СДСМ пропаѓа, затоа што во Заев и СДСМ веќе никој не гледа иднина. Заев полека но сигурно останува сам и затоа кандидира лица кои се дебело поврзани со криминогените структури на чие чело е лично тој. Затоа во Куманово го кандидира роднината на Оливер Спасовски, а во Битола го кандидира бизнис партнерот на Вице Заев.
Заев како што ќе наближува изборниот пораз ќе станува се поочаен и понервозен, но тоа ќе бидат неговите последни чекори. Само пораз на Заев ќе значи подобро за Македонија, вклучително и за членовите на СДСМ“, се наведува во соопштението на ВМРО-ДПМНЕ.