Зоран Заев покажа дека вистината е една и единствена, и дека од неа, дури и со сечени, прилепувани и монтирани материјали, какви што тој употребува, не може да се избега, се наведува во писмената реакција на ВМРО-ДПМНЕ на денешната прес-конференцијата на СДСМ.
– Зоран Заев со денешната прес конференција на оваа тема покажа дека нема никакво чувство за државност, ниту осет за националните и стратешки интереси…Практично ја олесни позицијата на Република Грција и ги откри преговарачките тактики на Република Македонија. Денес е повеќе од јасно дека Заев е обичен инструмент за дестабилизација и дека спроведува однапред напишано сценарио, спротивно на државните интереси, истакнуваат од ВМРО-ДПМНЕ.
Денешната прес-конференција на СДСМ, како што е наведено во реакцијата на ВМРО-ДПМНЕ, е само жална потврда за нарачателите на ова сценарио и улогата на инстументот Заев кој има задача да го спроведе.